不經不覺已經大半年冇update 過 blog, 有左 Ethan呢個小honey後, 我覺得好開心及幸福, 原來多個小朋友, 個家真係會 warm D, 感覺更完整,可能因為我同老公拍拖已經十多年, 感情淡左, 總有老夫老妻的感覺吧!
還記得當初知悉懷有 Ethan 時, 係 blog 到打, 希望記下每天發生的事, 好讓將來同長大後的 Ethan 分享, 但Ethan 出世後, 發生太多事……..
第一 : 餵人奶.
生下 Ethan 後, 第一個挑戰係餵人奶.
還記得, 一知道 bingo後, 我就決意要餵人奶, 因為人奶太好, 營養夠又可以令BB健康D, 還一心以為餵人奶, 只係要俾奶佢, 實在太膚淺, 所以當係醫院聽完人奶講座後, 就有想放棄既感覺, 我好懷疑自己真的能否做到一生完就要餵, 冇得休息, 而且BB係會一直係自己身邊因要每1hrs/次, 不分日夜 ? 而且呢個只係一個開始, 還有漫長的日子, 我能否堅持下去 ? 當時決定努力, 餵得幾耐得幾耐.
但當 Ethan出世後, 我第一眼見到 & 抱佢後, 我真係決心要餵人奶, 回望得
5磅多的他, 我真係好擔心好驚, 每次一望到其他媽媽8-9磅既BB, 我好自然會怪責自己為何無法令佢重一點, 加上 Ethan 係37wks 出世, 細細粒又輕, 佢真的比其他39-40wks的BB細膽, 所以佢訓得不”林”, 小小聲都會醒, 成日“責責下”, 望住細小的他, 總覺得佢容易病, 真係好希望媽咪奶可以幫到 Ethan.
但呢個小淘氣, 總喜歡同我鬥力. 還記得頭三天跟他戰鬥, 我同佢都好痛苦, 我真係好累, 因為懷孕時一直都冇好好訓過, 係醫院等生個4日的日夜煎熬, 再加上, 餵人奶要每1hrs+ 埋身一次, 餐餐食成個鐘, 我又不懂位置, 唔係次次對準位, 一唔對位佢又唔食, 又咬又扯我, 所以成日都call姑娘幫忙, 又個個鐘都要換片, 但半個鐘後又哭, 真的超煩.
出院後, 我同 Ethan 的戰鬥持續, 每次餵奶都真係好係打仗咁, 因為我泵不到出來 (健康院姑娘都冇辦法), 所以要餐餐埋身, 雖然好sweet, 但有時佢唔想食, 一時食唔到又係到罵我, 每逢呢個時間我都好想放棄, 學阿媽講, 咁辛苦做咩…….但每當咁想完, 我又會同自己講, 唔可以咁, 為了囝囝健康, 我一定努力支持下去, 但一到晚上, 我心情又會低落, 因為真係好好辛苦, 冇得訓, 個囝又食得辛苦, 所以一個月後, 決定晚上全奶粉, 咁大家都舒服d.
對於我本身已經不是一個富媽媽, 加上我原來一直食錯野都唔知, 大家記住, 唔好飲 ~ 好立克, 柯華田, 檸茶 ><” 會收奶, 故就算每天有阿媽靚靚上奶湯, 到後來都要補奶粉.
慶幸的是, 我都支持到四個月, 而且原因係因為要返工, 先開始慢慢停. 其實到2個多月時, 我已經唔係太覺餵奶辛苦, 而且每次餵佢時都會同佢講下野, 感覺好 sweet 也樂在其中, 奇怪的是, 當我決定開始找工後, Ethan 會好主動要埋我身, 有時我俾奶粉佢, 佢都唔要反而要我俾佢埋身, 應覺好奇怪.
第二 : 冇休息時間
*照顧BB, 原來真係唔簡單, 而且好辛苦. (Suggest 各位未生的姐妹, 一定要老公放假陪幾天, 自己真係要好好休息.)
唔知係唔係, 因為 Ethan 仔佢太細. 坐月時, 媽咪每天都會過來陪我 & 照顧BB, 明明有人幫手睇住 Ethan, 我都係完全不放心, Ethan一出發, 我就會立即醒沖過去睇佢, 所以根本係冇休息.
而每天最安心休息既時間係, 每晚10pm-2am, 有老公照顧 Ethan 及每天7am-9.30am, 佢每天要送老公返工先訓.
我每天Standby 時間係: 2-4.30am, 6-7am, 9.30-10.30am, 12.30-8.30pm
每晚8.30pm -2am 係老公同囝囝的親子時間.
第三 : 囝囝噴奶
其實, Ethan一直都好難掃風, 而就算掃到風, 都不時會訓訓下吐奶(有成半安), 所以我每次餵完奶都會好留意佢. 但當開始轉晚上全奶粉後, 囝囝餐餐都會吐奶, 有時甚至係噴奶, d 奶口同鼻一齊出, 真係嚇壞我同佢, 跟住當然係狂哭. 還記得, 第一次噴奶係夜晚老公開OT中, 超驚, 我驚到哭住打給阿姨求救.
後來, 要問過健康院話囝囝胃細, 又食得心急, 入風, 食完後要坐直佢大半個鐘先好訓, 同埋訓時要打側左邊訓.
第四 : 產後抑鬱
產後抑鬱 ~ 原來係現今的香港咁常見, 十個媽咪有八個有, 只係嚴重程度不同, 而且係會在不知不覺間出現, 慢慢令你越收越埋, 一碰到大問題就會爆發, 原來真係會想死, 自己都控制唔到, 想野係唔會合邏輯, 想到就做, 好白痴o家.
好彩之前, 都有看相關的資料, 知道有咩特徵及表現, 因為產後一個多月, 開始就發現自己有d唔係太好的表現, 例如 :
-超緊張, 好辛苦, 常常會心跳急速
-常常會擔心呢樣擔心個樣, 完全放鬆訓唔到;
-唔想見人 ;
-覺得周圍講野都好煩, 冇人體諒自己;
-BB 一哭就唔知點算, 有想過要拋BB落地等佢叫聲;
-樣樣事都覺得自己唔好, 好有失敗感;
-睇野好灰, 唔識笑 ;
-成日冇端端哭 ;
-半夜會有時呼吸困難.
所以當BB-2個月時返健康院, 我就同護士聽我的問題, 護士同我作評估後, 確認我有產後抑鬱, 屬中級. 護士話, 好彩! 我自己發現問題又願意講, 否則, 會越來越嚴重, 起初我都唔相信, 但後來因少少事, 我同老公嘈完後, 竟然 :
半夜罵個囝, 之後狂哭, 哭到呼吸困難, 會半夜3-4am走出街食西北風抖抖氣, 連續幾晚半夜走出街我都冇同老公講, 點知有一晚我哭哭下突然想到死, 就走到廚房, 拿起刀, 好彩Ethan叫一聲, 我立即清醒, 立即走回房叫醒老公. 第二天趕返健康院見姑娘, 立即轉介我去看青山護士及要見社工.
講真, 我真係唔知點解自己當時會咁想咁做, 呢d舉動係好傻, 但我又的確做了, 所以大家都唔好輕視自己情緒.
* 見過青山護士後, 我發現原來我一直俾自己好大期望, 全個世界就只有囝囝,所以壓力好大. 因為我係大肚後冇工作, 全心全意待產, 但孕期時一直都處於低潮, 過完一關又一關, 一心想做個好媽媽, 樣樣事親力親為, 我主內 ~ 照顧囝囝, 好好教導及引領佢學習, 不想佢做港童或宅男, 只希望佢有個幸福快樂的童年, 不需要佢樣樣事情一百分, 但不要滿江紅, 而老公就轉心工作.
但FTM(Full Time Mummy)的生活同我想像的折然不同, 好多野係 out of control, 好似餵人奶咁, 好似囝囝過輕, 好似同老公溝通, 奶奶的期望及要求, 當發現自己做不到自己及大家的期望後, 好down & sad, 持續的壓力令我換不過氣.
經過, 幾次覆診又見埋社工後, 同老公傾過, 決定返出來工作, 我唔可以冇左自己, 咁樣對我 & 囝囝將來都不是一件好事.
第五: Ethan 體重below average
Ethan出生時已經係細碼BB, 但由於 Ethan食得少, 又吐奶, 又訓得唔好, 所以體重一直冇點增長, 常常俾人話佢似3個月大, 每次聽到Mummy 我都好唔開心. 有時想, 可能 Ethan知 Mummy Daddy洗左好多錢, 所以幫我地save money, 因現在他還可以著和尚袍及3個月的bb衫, 眼見其他同月bb已經著緊9個月+, 自己都好想快d同佢換過d衫, 阿仔你加油哦, 希望下星期返健康院不會給護士話好了.
第六 : 返新工
當決定左出來工作後, 心情好多了. 其實, 一直以來我都有想過, 如果再出來工作應從事邊行呢 ? 繼續做Eyewear, 講真自己做左1x年Eyewear唔做返呢行的話, 人工可能好低, 但做咩Post好……我要工作上不太大壓力, 小返大陸, 必須準時收工的工作, 要求好似好高咁. 接著, 上網一search就有幾份心儀的job, 回家要重新打過份 resume.
好好彩, 俾我想起其中一間公司有個朋友可能還係入面工作, 就打了個電話給佢, 估不到傾傾下發覺很 Job 都幾適合已為媽媽的我 ~ 返一至五, 基本上可日日準時放工, 係人工低一點, 最重要係冇咁大壓力, 可以俾多d時間Ethan, 於是就直接發 resume 給 Manager. 兩天後, 我就 interview, 七年冇 interview 過, 真係好鬼緊張, 約左11點, 我10點未到就到左, 先見 HR Manager, 再接著 2nd in PDD Manager, interview 的過程真的十分愉快, 而下午回家就收到 confirmation, 公司希望我盡快上班, 但我要pass Ethan 俾媽咪照顧, 而 Ethan 又要習慣媽咪照顧佢, 所以我覆Mar1 返工. 之後, 幾星期我同 Ethan 就天天一早返媽咪到, 等佢早d習慣, 我會時不時出去, 留低媽咪同 Ethan 獨處, 又等 Ethan 習慣小見我.
總括 :
呢半年, 變化真的好大, 我 & 老公成長左不小,開始 enjoy 一家三口的新生活, Ethan BB 一天比一天大, 呢個小淘氣, 既精零又活潑, 動作多多, 鬼鬼馬馬, 最開心的是佢冇大病過 (媽咪奶的作用, 之前多辛苦都值得), 但時常困擾我令我唔開心的是, 一聽到人家話佢細粒.
經過大肚至今呢段日子, 我真心感謝感激媽媽無微不至的照顧, 感謝老公妹妹們的支持. 講真, 我生完Ethan 後情緒真的好不穩, 起起伏伏, 時常對住佢地發脾氣, 佢地疼愛我, 默默支持, 知道媽媽的偉大, 我會好好孝順及照顧她.
最令我遺憾的是 :
- 不能每天在 Ethan 身邊陪伴佢長大, 親眼見證佢每個的每一次 ~ 轉身, 學爬, 學行, 學走……所以我同老公每天都會準時準時收工, 盡快盡趕回媽咪家, 陪伴佢玩耍多一點.
- Ethan未能見到係天上的爸爸, 相信爸爸如果還在世, 他一定會超愛這個孫仔,常常被佢逗得哈哈大笑, 不過, 我總覺得他時常在Ethan身邊保護佢. 人有時候真係失去後先懂得珍惜, 所以要更加孝順媽咪.
留言列表
