跨境提早六天等派表 北區幼園500家長排隊瘋
昨天見新聞報導, 好似好大件事咁! 其實, 一早已經係咁, 傳媒政府有理過嗎?
作為一個香港人, 曾幾何時聽聞屋村幼稚園需要連續幾天, 日以繼夜為幼稚園入學排隊而苦惱, 通常出現在國際 OR 名校.
作為一個香港媽媽, 對現時的政府已經亳不信任, 一次又一次的失望, 可能我地香港媽媽繼當年大住肚上街, 為寶寶們力增床位後, 要帶埋小朋友再上街, 因為香港BB冇書讀, 真係可笑可恥, 應該上埋國際新聞, 睇下全球人點看.
當年懷有兔寶寶的我地, 由大肚開始就一直擔憂, 經歷過生子時, 冇床位搶床位, 生子睡走朗. 二年後的今天, 我地為了自己寶寶確保有學位而日以繼夜排隊又有何妨, 作為一個父母, 誰沒有為小朋友一生打算, 明明是應有的福利, 讀書而已, 郤比買IPHONE 5S 還要困難.
其實, 我同好多香港媽媽一樣, 冇咩要求, 但求小朋友開開心心返學, 一心兒子在屋村樓下的幼稚園讀書, 郤發現未計雙非學童都完全不夠學位. 本來相安無事, 但一講到小朋友的將來, 我地香港媽媽可不會客氣, 當年種下的香港媽媽對國內媽媽的不滿, 繼續加深. 由本來報一間, 變6間, 再變10間, 原因係每排一間, 你個心就更慌, 一間學校得2X-3X個學位, 郤有5XX-6XX人來排, 而且大多數措流利國語, 還有組織, 一車車由國內包大巴到香港, 我地香港父母大都要返工, 根本不夠佢地排, 在人群中, 你會發現香港人竟然變為小數民族, 夠可悲.
有時真的會想, 是我對不起兒子, 為何要生小孩, 幼稚園已經要爭成咁, 小學點, 中學點算....... 政府當年殺校殺得咁開心, 邊夠學位.
真的好希望能有傳媒朋友到將會派報名表的學校看看, 為我們香港小朋友爭取優先收生.
http://hk.news.yahoo.com/跨境提早六天等派表-北區幼園500家長排隊瘋-214818787.html
http://hk.news.yahoo.com/傳雙非家長組團霸位-港家長告急-請假守-凳仔-214820567.html
